«Նոր սարդ մարդ: Բարձր լարվածություն» ֆիլմը երկրորդ շաբաթվա ընթացքում համաշխարհային կինովարձությում հավաքել է 67.2 մլն դոլար: Այս մասին գրում է Associated Press-ը:
Ֆիլմը համաշխարհային էկրաններին հայտնվելուց ի վեր հեղինակներին բերել է 132 մլն դոլար: ԱՄՆ-ում այն կցուցադրվի հաջորդ հանգստյան օրերին:
Այս շաբաթվա տվյալներով՝ հյուսիսամերիկյան վարձույթում առաջատար է «Այլ կին» ֆիլմը, որը հավաքել է 24.7 մլն դոլար:
Երկրորդ տեղում է «Առաջին վրիժառուն: Այլ պատերազմ» ֆիլմը՝ 16 մլն դոլարով:
Երրորդ հորիզոնականում է «Երկինքն իրական է» ֆիլմը: Այն մեկ շաբաթվա ընթացքում հավաքել է 13.8 մլն դոլար: Այսպիսով՝ ֆիլմն ԱՄՆ-ում և Կանադայում հավաքել է 51.9 մլն դոլար:
