ԱՄՆ գյուղատնտեսության դեպարտամենտի հրապարակած զեկույցի համաձայն՝ աշխատունակ տարիքի ամերիկացիները 2010թ. նախորդած 5 տարիների համեմատ սկսել են օրական 78 կալորիայից քիչ ուտել, փոխանցում է kedem.ru-ն:
2005-2010թթ. համեմատ 5 տոկոսով նվազել են նաև հագեցած ճարպերից ստացված կալորիաները: Դրանից բացի՝ 2005թ. հետ համեմատած 8 տոկոսով աճել է մրգային բջջանքի, բանջարեղենի և ամբողջական հատիկավորների օգտագործումը: Ամերիկացիները զգալիորեն կրճատել են արագ սննդի ռեստորաններում ծախսվող գումարները (13%-ով):
«Մենք բավականին առաջընթաց ունենք, սակայն մեր աշխատանքը դեռ ավարտված չէ»,- գրում է գյուղնախարար Թոմ Վիլսակն իր զեկույցում:
Կարող է թվալ, թե օրական 78 կալորիան չնչին թիվ է, սակայն մեկ օրում սննդակարգից ավելորդ 100 կալորիա բացառելը կարող է տարեկան ավելորդ 4,5 կիլոգրամից ազատել:
