Քվենտին Տարանտինոն իր նոր` «Ազատագրված Ջանգոն» ֆիլմը համարում է եռագրության մաս: Այս մասին կինեմատոգրաֆիստը ասել է Total Film հրատարակության հետ զրույցում:
Տարանտինոյի կարծիքով՝ «Ջանգոն» եռագրության երկրորդ ֆիլմն է: Առաջին մասը 2009թ. լույս տեսած «Անփառունակ սրիկաներ» ժապավենն է:
«Չնայած ֆիլմերի միջև տարբերությանը` դրանք ինձ մի ամբողջության մաս են թվում»,- ասել է նա: Տարանտինոն նաև խոստովանել է, որ դեռ չգիտի՝ ինչպես կավարտվի եռագրությունը:
«Ազատագրված Ջանգոն» վեսթերն է, որտեղ նկարահանվել են Լեոնարդո դի Կապրիոն, Ջեյմի Ֆոքսը, Ջոն Հիլը, Սեմյուել Լի Ջեքսոնը:
Ֆիլմը վարձույթ դուրս կգա 2012թ. դեկտեմբերին:
