Նիգերիայի հյուսիսում երկու մահապարտ կաթոլիկ եկեղեցում կիրակնօրյա աղոթքի ժամանակ գործի են դրել պայթուցիկ սարք։ Այս մասին հաղորդում է BBC-ն:
Պայթյունի ժամանակ զոհվել է մի քանի մարդ, տասնյակ մարդիկ վիրավորվել են: Բոլոր տուժածները հոսպիտալացվել են:
Նիգերիայի արտակարգ իրավիճակների ազգային գործակալության ներկայացուցչի խոսքերով՝ պայթյունը տեղի է ունեցել կիրակի առավոտյան՝ Կադունի Սուրբ Ռիտայի եկեղեցում:
Տուժածների թիվը դեռ պարզ չի: Ներկա պահին եկեղեցին շրջապատված է զինվորներով և ոստիկաններով:
Վերջին ամիսներին Կադունում քրիստոնեական եկեղեցիների վրա մի քանի համանման հարձակումներ են տեղի ունեցել, որոնք իրականացրել է իսլամիստական «Բոկո Հարամ» խմբավորումը: Այս մեկը ևս վերագրվում է նրան։
