Մեքսիկայի ոստիկանությունը հայտարարել է, որ հոկտեմբերի 26-ին իրենց հաջողվել է ձերբակալել «Զետաս» նարկոկարտելի 4 անդամների, որոնք խոստովանել են իրենց մեղքը 43 սպանություններում:
Ինչպես հաղորդում է Agence France-Presse-ը, ձերբակալություններն իրականացվել են Նուէվո-Լեոն նահանգում: Ոստիկանության ներկայացուցչի խոսքերով՝ ձերբակալվածները խոստովանել են իրենց մեղքը մրցակից նարկոկարտելի անդամների սպանության գործում: Բացի այդ, նրանք կասկածվում են մարդկանց առևանգելու և փրկագին ստանալու մեջ:
Նախկինում չորսն էլ արդեն ձերբակալվել էին մարիխուանայի տարածման կասկածանքով, սակայն ազատ էին արձակվել: Ոստիկանության տվյալներով՝ ձերբակալվածները գործել են հիմնականում Մոնտերեյ քաղաքի ծայրամասերում:
«Զետաս» նարկոկարտելը հիմնվել է 1990-ականներին, 2010-ից Մեքսիկայում ազդեցության համար զինված պայքար է մղում «Գոլֆո» հանցավոր խմբավորման հետ: «Զետաս»-ը վերահսկում է Մեքսիկական ծոցի արևելյան ափը, Տամաուլիպաս և Նուէվո-Լեոն նահանգները:
