Ամերիկյան ինտերնետ-ընկերությունը՝ Limited Run-ը, հրապարակել է Facebook-ի գովազդային հարթակի ուսումնասիրության հաշվետվությունը՝ սեփական բիզնեսի առաջխաղացման մասին, որտեղ քննադատվել է Facebook-ի գովազդը՝ «կեղծ քլիքների» առատության ու չափազանց բարձր ինքնագնահատականի պատճառով։ Այս մասին հաղորդում է CNews.ru-ն:
Limited Run-ը ղեկավարում է սեփական վեբ-ռեսուրսը, որը թույլ է տալիս երաժշտական ինդուստրիայի ներկայացուցիչներին՝ ի դեմս անկախ լեյբլների, երաժիշտների, կոմպոզիտորների ու կատարողների, ստեղծել ու ցանցում տեղակայել սեփական օնլայն-խանութները օգտատերերին երաժշտական կոնտենտ ու ֆիզիկական ապրանքներ վաճառելու համար:
Համաձայն մասնագետների հաշվարկների՝ իրական են եղել միայն ընդհանուր «քլիքների» շուրջ 20 տոկոսը, այսինքն 80 տոկոսը ստեղծվել է բոտերի կողմից:
Արդյունքում՝ ընկերությունը որոշել է դադարեցնել Facebook-ի էջերի օգտագործումն իր բիզնեսն առաջ մղելու համար, ու սկսել է այդ նպատակով օգտագործել Twitter-ում բլոգը:
Facebook-ի ներկայացուցիչներն արդեն պատասխան են տվել տվյալ հաշվետվությանը՝ հայտարարելով, որ կզբաղվեն «կեղծ քլիքների» վերաբերյալ հայտարարության ուսումնասիրմամբ:
