Ուղիղ 55 տարի առաջ այս օրը՝ 1957թ. հոկտեմբերի 24-ին, Իտալիայում վախճանվեց Քրիստիան Դիորը:
Նա ծնվել է 1905թ. հունվարի 21-ին` Ֆրանսիայի Գրանվիլ քաղաքում, բարեկեցիկ ընտանիքում:
Երբ Քրիստիանը 6 տարեկան էր, նրա ընտանիքը տեղափոխվում է Փարիզ: Ցանկանում էին, որ տղան դառնա դիվանագետ, սակայն նա նախընտրում էր թանգարանները, երաժշտությունն ու գեղանկարչությունը:
Քրիստիանը իր գոյությունը պահպանելու համար սկսում է վաճառել գլխարկների ու զգեստների իր էսքիզները, որոնք մեծ հաջողություն են վայելում:
1941թ. նա արդեն աշխատում էր փարիզյան Lucien Lelong նորաձևության տանը: 1942թ. Դիորը բացում է պարֆյումերային լաբորատորիա, որը հետո վերածեց աշխարհահռչակ Christian Dior Perfume-ի:
Դիորի համար բույրը միշտ եղել է կանացի կերպարի անբաժան մաս: 1946թ. նա բացել է սեփական նորաձևության տունը ու ստեղծել անչափ կանացի New Look հավաքածուն, որը նվաճեց Եվրոպան և Ամերիկան: 1953-ից Դիորը թողարկում է կոշիկ՝ ամբողջացնելով «Դիորի» ավարտուն կերպարը:
1950-ականներին Քրիստիան Դիորի նորաձևության տունը ամենախոշորն ու ամենաեկամտաբերն էր Փարիզում:
Գրանվիլում բացվել է Քրիստիան Դիորի տուն-թանգարանը:
