Եթե դուք ցանկանում եք սիրահարվել, ապա ուղղակի ձևացրեք, թե սիրահարված եք։ Արդյունքում զգացմունքները փոխադարձ կլինեն: Հոգեբանները վստահ են, որ որոշակի գործողություններ կարող են հրահրել զգացմունքներ, իսկ դրանք էլ՝ որոշակի վարքագիծ: Այդ պատճառով, ինչպես գրում է The Daily Mail–ը, հաշվարկված ամուսնություններն այնքան էլ վատ տարբերակ չեն։
Հետազոտությունները ցույց են տվել, որ հաշվարկով ամուսնությունները ժամանակի ընթացքում ավելի ամրանում են, իսկ ամուսիններն ավելի մեծ սեր են տածում միմյանց հանդեպ: Սովորական ամուսնություններում հակառակն է. ամուսինների կապը երկու անգամ ավելի թույլ է, և սիրո զգացումն առաջին 18 ամիսների ընթացքում սովորաբար 50 %-ով նվազում է:
