iPad mini պլանշետային համակարգիչը վաճառքում կլինի՝ սկսած 330 դոլարից: Այս մասին տեղեկացնում է 9to5mac բլոգը՝ հղում անելով սեփական աղբյուրներին: Այն ավելի թանկ կարժենա, քան iPod touch մեդիանվագարկիչը, որն ԱՄՆ-ում վաճառվում է 300 դոլարով, սակայն ավելի էժան, քան 16 գիգաբայթ հիշողությամբ Wi-Fi –ով iPad-ը(400 դոլար):
Անլար մոդուլով և հիշողության մեծ ծավալով՝ 32 գբ iPad mini-ն կարժենա 430, իսկ 64 գբ տարբերակը՝ 530 դոլար: Հրատարակության տվյալներով՝ Wi-FI/3G-ով iPad mini-ն կարժենա 460, 560 և 660 դոլար՝ համապատասխանաբար 16, 32 և 64 գբ հիշողությամբ տարբերակների դեպքում:
Ավելի վաղ կարծիք էր տարածվել, որ ամենահասարակ iPad mini-ի արժեքը չի գերազանցի 300 դոլարը: Շատ վերլուծաբաններ էլ կարծիք էին հայտնել, թե այն կարժենա 250 դոլար, քանի որ Apple-ը փորձում է դրանով մրցակցել Kindle Fire HD-ի և Nexus 7-ի հետ: Սպասվում է, որ այսօր ընկերությունը կներկայացնի iPad-ի նոր մոդելը և այլ նորույթներ:
