Քովենթրիի բնակիչ 46-ամյա Սայմոն Լաքսոնը տառապում է հազվադեպ խանգարմամբ, ինչի հետևանքով վերածվել է 90-ամյա ծերունու: Ի ծնե նրա մոտ ախտորոշվել է ալկապտոնուրիա: Այս մասին գրում է The Daily Mail-ը:
Հիվանդության հետևանքով նրա մոտ ի հայտ են եկել օստեոարթրիտ, խնդիրներ երիկամների, աղիների և սրտանոթային համակարգի հետ, հոդացավեր և այլն, մեզը ստանում է մանուշակագույն գունավորում՝ ֆերմենտների անբավարարության հետևանքով:
Լաքսոնն իր վրա փորձարկում է նիտիզինոն անվանումով դեղամիջոցը: Այն պարունակում է միացություն, որը նախկինում կիրառել է որպես հերբիցիդ: Ներկայում այն օգտագործվում է առաջին տիպի ժառանգական տիրոզինեմիայի՝ լյարդի և երիկամների հետ կապված հիվանդությունների բուժման համար:
Դեղամիջոցը նախատեսված է ոսկրերի և աճառային հյուսվածքների վրա թթվային հարձակումները կարգավորելու համար:
Տղամարդն իրեն փոքր-ինչ լավ է զգում: Դեղանյութը ևս 13 մարդ է փորձարկել, սակայն դրա արդյունավետության վերաբերյալ վերջնական եզրակացությունների մասին դեռ վաղ է խոսել:
