Մաշկի եզակի հիվանդության պատճառով Բրազիլիայի 21-ամյա մի բնակիչ մեծ անհարմարություն է զգում, երբ հայտնվում է հասարակության մեջ. նրա գանգը ծածկող փոսերի և յուրօրինակ ծալքերի պատճառով տպավորություն է ստեղծվում, թե նա «բաց ուղեղով» է ապրում:
Հիվանդի խոսքով` առողջական խնդիրները սկսել են ի հայտ գալ 19 տարեկանում: Տղայի առաջին մտահոգությունը եղել է այն, որ նա սկսել է ճաղատանալ այդքան երիտասարդ հասակում: Բրազիլացին մտածել է, որ դա ժառանգական է և դրան նշանակություն չի տվել: Մեկ տարի շարունակ նրա աչքի առաջ գլխի մաշկը կնճռոտվել է:
Hospital Universitario de Santa Maria հիվանդանոցի բժիշկ Կարեն Շոնսն ասել է, որ դա բացառիկ Cutis verticis gyrata հիվանդությունն է:
Տղայի միակ հույսը պլաստիկ վիրահատությունն է, քանի որ իր հիվանդությունն անբուժելի է: Սակայն բժիշկները զգուշացրել են, որ միայն մասամբ կարող են հարթել նրա գլխամաշկը:
