Բրիտանիայի 18-ամյա քաղաքացուհուն` Գաբի Սկանլոնին արագ հիվանդանոց են տեղափոխել և հեռացրել ստամոքսն այն բանից հետո, երբ իր 18-ամյակի օրը նա օգտագործել էր 14 ֆունտ արժողությամբ հեղուկ ազոտով կոկտեյլ:
18-ամյակի տոնակատարությունը նա անց է կացրել բարերից մեկում, երբ անսպասելիորեն սկսվել է շունչը կտրվել և ուժեղ ցավեր են սկսվել որովայնի հատվածում: Հիվանդանոցում համապատասխան ախտորոշումից հետո նրան շատ արագ վիրահատել են և հեռացրել ստամոքսը: Այժմ նա գտնվում է ծանր, բայց կայուն վիճակում:
Բրիտանական ԶԼՄ-ների հաղորդմամբ Գաբին տուժել է հեղուկ ազտով պատրաստվող Jagermeister խմիչքի կողմնակի ազդեցության պատճառով:
Այսօր խոհարարության մեջ հեղուկ ազոտի օգտագործմամբ սննդի և խմիչքների պատրաստումը սովորական բնույթ է կրում: Սակայն պետք չէ մոռանալ, որ սխալ օգտագործման դեպքում այն կաորղ է հանգեցնել սառեցման կամ կրիոգեն շոկ առաջացնել:
Գաբիի հետ տեղի ունեցածից հետո Սննդի ստանդարտիզացման բրիտանական գործակալությունը հայտարարել է խմիչքների զգույշ օգտագործման մասին: Անհրաժեշտ է օգտագործելուց առաջ համոզվել, որ հեղուկ ազոտն ամբողջությամբ անհետացել է սննդի կամ խմիչքի միջից: