Հարավային Կորեան տեղեկատվական տեխնոլոգիաների ոլորտում համաշխարհային առաջատար է: Էլեկտրակապի միջազգային միության փորձագետների պատրաստած տեղեկատվական-հեռահաղորդակցության և տեխնոլոգիաների զարգացման վարկանիշային աղյուսակում Հարավային Կորեան զբաղեցրել է առաջին հորիզոնականը` 8, 56 ինդեքսով:
Ինդեքսը կազմելիս հաշվի են առնվել մատչումը տեղեկատվական-հեռահաղորդակցության տեխնոլոգիաներին, դրանց կիրառումը ու այդ ոլորտում նորարարությունները:
Այն ներառում է այնպիսի չափանիշներ, ինչպիսիք են տնային տնտեսությունը, համակարգչի առկայությունը ու մատչումը համացանցին, համակարգչային գրագիտության աստիճանը:
«Տեղեկատվական հասարակության չափումը-2012» ամենամյա զեկույցի պատրաստման ժամանակ միության փորձագետները համեմատական վերլուծության են ենթարկել 155 երկրների 11 ցուցանիշներ:
Վարկանիշային աղյուսակում 2-րդ հորիզոնականը զբաղեցրել է Շվեդիան, 3-րդը՝ Դանիան:
Առաջին տասնյակում են հայտնվել Իսլանդիան, Ֆինլանդիան, Նիդերլանդները, Լյուքսեմբուրգը, ճապոնիան, Մեծ Բրիտանիան և Շվեյցարիան:
Ռուսաստանը աղյուսակում գրավում է 38-րդ տեղը, ինչը ԱՊՀ երկրների շարքում լավագույն ցուցանիշն է: Ռուսաստանին հաջորդում են Բելառուսը (46), Ղազախստանը (49), Մոլդովան (62), Ուկրաինան (67), Ադրբեջանը (68), Ուզբեկստանը (102), Թուրքմենստանը (110):
Վարկանիշային աղյուսակը եզրափակում է Նիգերը: