Ճապոնիայի արդարադատության նախարար Կեյսյու Տանական այսօր խոստովանել է, որ կապ է ունեցել յակուձա կազմակերպված հանցավոր խմբավորման ներկայացուցիչների հետ, սակայն չի պատրաստվում այդ պատճառով հրաժարական տալ: Մաֆիայի հետ իր կապերի մասին գերատեսչության ղեկավարը հայտնել է տեղի շաբաթաթերթերից մեկին, ինչը բուռն արձագանք է առաջացրել տեղի ԶԼՄ-ներում:
Ինչպես հաղորդում է ITAR-TASS-ը, Տոկիոյում տեղի ունեցած մամուլի ասուլիսում արդարադատության նախարարը հաստատել է, որ մոտ 30 տարի առաջ հանդիպել է յակուձայի ներկայացուցիչների հետ: Նրա խոսքերով՝ ինքն այդ ժամանակ որպես միջնորդ էր հանդես գալիս մաֆիայի անդամներից մեկի ամուսնության հարցում: Նախարարը նաև խոստովանել է, որ ողջույնի խոսքով հանդես է եկել հանցավոր աշխարհի առաջնորդների կազմակերպած բանկետին: Սակայն նրա խոսքերով, ինքը չի իմացել, որ գործ ունի յակուձայի հետ, և այլևս նրանց հետ որևէ կապ չի ունեցել:
Ճապոնիայի կառավարության գլխավոր քարտուղար Օսամու Ֆուձիմուրան այսօր մամուլի ասուլիսում հայտարարել է, թե պատճառ կա, և կառավարության ամենատարեց անդամը՝ 74-ամյա Տանական, պետք է հրաժարական տա:
