«Երազում եմ հայերեն ալբոմ ձայնագրել, կան արդեն 3-4 երգեր, բայց միայն երաժշտությունն է, բառեր չկան, փնտրում եմ գործընկերներ Հայաստանում, ում հետ կարող եմ աշխատել»,- այսօր լրագրողների հետ հանդիպման ժամանակ նշեց հայազգի երգիչ Աբրահամ Ռուսսոն:
Երգիչը, սակայն, ցավով նշեց, որ Հայաստանում ոչ մեկը համագործակցության առաջարկ չի անում իրեն, այնինչ Ռուսաստանում շատերն արդեն կցանկանային աշխատել իր հետ: Երգիչը մի փոքր նեղված ասաց նաև, որ 1,5 տարի առաջ Հայաստան էր դիմել քաղաքացիություն ստանալու համար, սակայն մինչ օրս քաղաքացիություն չի ստացել:
«Ռուսաստանում ես երեք շաբաթվա ընթացքում քաղաքացիություն ստացա, իսկ այստեղ չեն տալիս` երևի արժանի չեմ»,- ժպտալով ասաց երգիչը:
