ԱՄՆ պետքարտուղար Հիլարի Քլինթոնը հեռախոսազրույց է ունեցել Վրաստանի նախագահ Սաակաշվիլիի և խորհրդարանական ընտրություններում հաղթնակած «Վրացական երազանք» կոալիցիայի առաջնորդ Իվանիշվիլիի հետ, որից հետո Պետքարտուղարության պաշտոնական ներկայացուցիչը հանդես է եկել հայտարարությամբ:
ԶԼՄ-ների համար բրիֆինգի ժամանակ Մարկ Տոները հաստատել է, որ Քլինթոնն առանձին-առանձին խոսել է Սաակաշվիլիի և Իվանիշվիլիի հետ և նրանց հետ քննարկել է հոկտեմբրի 1-ին Վրաստանում անցակցված խորհրդարանական պատմական ընտրությունները:
Տոների խոսքերով՝ Իվանիշվիլիի հետ զրույցի ժամանակ Քլինթոնն ուշադրության է արժանացրել օրենքը և ժողովրդավարական նորմերը հարգելու հանգամանքը:
«Պետքարտուղարը Սաակաշվիլիին գովել է նրա ղեկավարութամբ անցկացրած բաց և մրցակցային ընտրությունների համար և պետության կողմից արդյունքների հանդեպ ցուցաբերած համապատասխան վերաբերմունքի համար: Նա նաև շնորհավորել է Իվանիշվիլիին իր կոլաիցիայի տարած հաղթանակի համար, ինչպես նաև գովաբանել է վրաց ժողովրդին ընտրություններին ակտիվ և խաղաղ մասնակցելու համար»,- նշել է Մարկ Տոները: