Թուրքական Sabah թերթի փոխանցմամբ՝ Դիարբեքիրի նահանգի Լիջե շրջանում մեծ վնաս է հասցվել Քրդստանի աշխատավորական կուսակցությանը (PKK), որի եկամուտների զգալի մասը ձևավորվում է թմրանյութերի ապօրինի շրջանառումից:
Դիարբեքիրի ժանդարմերիայի տարածաշրջանային հրամանատարությունը հոկտեմբերի 3-4-ը իրականացրել է վերջին շրջանի ամենամեծ «թմրանյութային» օպերացիան: Օպերացիայի ժամանակ ժանդարմերիայի ուժերը բաժանվել են 17 խմբի և օդային աջակցություն ստացել «Սիկորսկի» տիպի ուղղաթիռներից:
Դրա արդյունքում առգրավվել է 16 տոննա թմրանյութ, որից 13,170 կիլոգրամը կազմել է մարիխուանան: Օպերացիայի հետևանքով ձերբակալվել է 5 մարդ, որոնք մեղադրվում են PKK-ի հետ կապեր ունենալու մեջ: Տարվում է հետաքննություն:
Առգրավված թմրանյութի շուկայական գինը կազմում է մոտ 17 միլիոն լիրա (1 դոլարը հավասար է 1.79 լիրայի):
