Ռուսաստանում բողոքի ալիքը գնալով կթուլանա, նույնիսկ որոշ ժամանակ կվերանա, սակայն հաջորդ «պայթյունը» տեղի կունենա ավելի ուժգին ձևով, կլինի ավելի անկառավարելի և դաժան: «Լևադա» կենտրոնի սոցիոլոգներն այս հարցում մեղադրում են իշխանություններին: Փորձագետների կարծիքով` դժոհությունների նոր ալիք կծագի ընդդիմության նոր առաջնորդների հայտվելուց հետո:
Սոցիոլոգների կարծիքով` զանգվածային դժգոհությունների պատճառ կդառնա իշխանությունների կողմից քաղաքացիական կառույցների միտումնավոր ոչնչացումը:
Զեկույցում նշվում է, որ հասարակության հանգստության վերականգնման միջոց կարող է դառնալ քաղաքացիական ինստիտուտների մոդեռնիզացումը, սակայն իշխանությունն ընտրել է այլ ճանապարհ` օրենսդրության խստացում, աղմկահարույց քաղաքական գործընթացներ, ռեպրեսիաներ:
Հարցման մասնակիցների մեծ մասի կարծիքով` երկրում փոփոխություններ կարող են տեղի ունենալ միայն ներքևից ճնշման միջոցով: Սակայն տվյալ պահին դա հնարավոր չէ, քանի որ պետական համակագը ցուցարարներից ավելի ուժեղ է: Սոցիոլոգների կարծիքով` իշխանությունների կողմից զիջումների հասնելու համար, ցուցարարներին անհարաժեշտ է հասարակության լայն շերտերի աջակցությունը, այդ թվում` պուտինյան վարչակարգը սատարողների:
