ԱՄՆ-ի Հետախուզության դաշնային բյուրոյի մի շարք աշխատակիցներ հինգշաբթի օրն այցելել են Բենղազի` ամերիկացի դեսպանի սպանության գործի հետաքննության շրջանակներում, գրում է Reuters-ը:
«Մի խումբ ամերիկացիներ այցելել են հյուպատոսության տարածք: Նրանք գնահատել են պատճառած վնասը, հավաքել` հանցանշաններ»,-գործակալությանը պատմել է լիբիական հատուկ ծառայությունների ներկայացուցիչը:
ՀԴԲ դեռևս չի մեկնաբանել այս հաղորդագրությունը:
Իր հերթն ԱՄՆ պաշտպանության նախարարության ներկայացուցիչ Ջորջ Լիթլը Reuters գործակալության հետ զրույցի ժամանակ հաստատել է ՀԴԲ գործակալների այցելությունը Բենղազի: Նրա խոսքերով` գործակալներին ուղեկցել են Պենտագոնի աշխատակիցներ:
