Ռուսաստանը երբեք չի դառնա ո՛չ Եվրոպա, ո՛չ Ասիա: Այս մասին հայտարարել է պետերբուրգցի գրող Անդրեյ Ստոլյարովը:
«Եվրասիայի ճակատագիրը 21-րդ դարում» բանավեճի շրջանակներում Ստոլյարովը հայտարարել է, որ եվրասիական գաղափարը, որպես կանոն, ներկայացված է լավ փաթեթավորված ձևով, իսկ այն բացելուց հետո սպասվում է մեծ հիասթափություն:
Փորձագետի կարծիքով` հարավային հարևաններին պաշտպանելը Ռուսաստանի համար կարող է վերածվել «սիրիական տարբերակի»:
«Կստացվի այն, ինչ Սիրիայում է, որտեղ մենք սատարում ենք բռնապետի: Երբ գան նոր ուժեր, կարևոր չէ կլինեն լավը, թե վատը, նրանք դիտարկելու են մեզ որպես թշնամիների»,-հայտարարել է Ստոլյարովը:
Դրա հետ մեկտեղ, գրողը բանավեճի մեջ է մտել լրագրող Մաքսիմ Շևչենկոյի հետ, ով քննադատել է զարգացման եվրոպական մոդելը: Շևչենկոն մասնավորապես նշել է, որ եվրոպական քաղաքների քաղաքապետների մի մասը հասել է նրան, որ չի թաքցնում ոչ ավանդական սեռական կողմնորոշումը, իսկ Ասիայում նման երևույթն անհնարին է:
«Ասիական ոչ մի քաղաքապետի մասին մենք ոչինչ չգիտենք: Իսկ ես ուզում եմ իմանալ, թե ով է իմ նախագահը կամ քաղաքապետը: Հենց այդ պատճառով ես չեմ ուզում ապրել Ասիայում»,- ասել է Ստոլյարովը:
