Թուրքիան մտադիր չէ պատերազմ սկսել հարևան Սիրիայի հետ, բայց մտադիր է պաշտպանել իր սահմանները և իր ժողովրդին: Նման հայտարարությամբ հանդես է եկել երկրի վարչապետ Ռեջեփ Թայիփ Էրդողանը:
«Մենք պատերազմ սկսելու մտադրություն չունենք: Բայց թող ոչ ոք չշարաշահի մեր համբերությունը»,- ընդծգել է նա:
Հիշեցնենք, որ Թուրքիայի խորհրդարանն այսօր հաստատել է կառավարության ներկայացրած օրինագիծը, որը վերաբերում է անդրսահմանային օպերացիաների ժամկետը մեկ տարով երկարաձգելուն, ինչը նշանակում է, որ Թուրքիայի կառավարությանը հնարավորություն է տրվում Սիրիայի տարածքում իրականացնել գործողություններ:
Սիրիայի կողմից թուրքական տարածքների գնդակոծման հետևանքով զոհվել է հինգ մարդ: Ի պատասխան՝ թուրքական հրետանին գնդակոծել է Սիրիայի տարածքը, որի հետևանքով զոհվել է մի քանի սիրիացի զինծառայող:
