Ռուսաստանի արտգործնախարար Սերգեյ Լավրովը կոչ է արել իր արևմտյան դաշնակիցներին ՄԱԿ-ի Անվտանգության խորհրդում դատապարտել Սիրիայի ահաբեկչությունները: «Մենք չենք կարող աչք փակել սիրիական ողբերգության ասպեկտների վրա,- հայտարարել է նա: Երեկ Հալեպում իրականացված հերթական ահաբեկչությունների շարքը խլեց 30 կյանք, դա մեծ հաշվով կապված է սիրիական ճգնաժամի անդրսահմանային ասպեկտների հետ»:
«Չեմ կարող չհիշել, որ արդեն մի քանի ամիս մեր գործընկերները հրաժարվում են ՄԱԿ-ի ԱԽ-ում հայտարարություն ընդունել՝ դատապարտելով Սիրիայի տարածքում ահաբեկչությունները,- ասել է նախարարը:- ԱԽ-ն մշտապես արձագանքում է ահաբեկչություններին, մշտապես դատապարտում դրանք, ընդգծում, որ ահաբեկչությանը ոչ մի արդարացում չի կարող լինել: Այն, որ արևմտյան գործընկերները հեռանում են այդ դիրքորոշումից այն կոնտեքստում, ինչ ահաբեկիչներն անում են Սիրիայում, շատ տագնապալի ազդանշան է»,- ասել է Լավրովը:
