Հոկտեմբերի սկզբին մոսկովյան տների վրա բնակարանը սուպերհերոսներին վարձով տալու խնդրանքով հայտարարություններ էին հայտնվել: Գովազդին ուշադրություն են դարձրել սոցկայքերի միանգամից մի քանի բլոգերներ և օգտատերեր: Գովազդը կապված է Bubble.ru կոմիքսների ամսագրի թողարկման հետ, որը կհրատարակի Աշոտ Գաբրելյանովի News Media-ն, հաղորդում է Lenta.ru-ն:
Հայտարարություններում ասված է, որ սուպերհերոսների ընտանիքը բնակարան կվարձի «ձեր թաղամասում»: Պահանջները հետևյալն են. «7 մետրից ոչ պակաս բարձրություն, ցանկալի է` կայանատեղի տանիքում և տիտանային սանհանգույց»: Հայտարարությունում հատուկ նշվել է, որ սուպերհերոսները «սլավոններ են»: Հետաքրքրվածներին խնդրել են դիմել Կարմիր Ֆուրիային (Bubble-ի հերոսներից մեկը): Թողնված է նաև հեռախոսահամար, որով զանգահարելու դեպքում ավտոպատասխանիչը կպատմի News Media ամսագրի մասին:
Գովազդի երկրորդ տարբերակում ոստիկանության հայտարարության նմանակում է: «Դևերի և արնախումների հարձակումներից քաղաքացիների` հաճախակի դարձած բողոքներից ելնելով`ռեակտիվ արձագանքման խմբում ընդգրկվելու համար հավաքագրվում են կամավոր սուպերհերոսներ»:
Աշոտ Գաբրելյանովը հայտարարել է, որ վիրուսային կազմակերպության հեղինակն ինքն է: Նրա խոսքով` հայտարարությունների ուրիշ տարբերակներ առայժմ չկան. դրանք երկուսն են:
Այն մասին, որ News Media-ն կոմիքսների ամսագիր կհրատարակի, հայտնի էր դեռ 2011-ին: Աշոտ Գաբրելյանովի խոսքով` առաջին համարի տպաքանակը սահմանափակ է:
