Ինչպես գրում է The Daily Mail-ի լրագրող Աննա Մեգգին , սեքսը հավանաբար կյանքում միակ հաճույքն է, որն օգտակար է առողջությանը: Ինչպես պարզել են գիտնականները, առողջ սեռական կյանքը ոչ միայն բարձրացնում է տրամադրությունը, այլև օգնում է պայքարել շատ հիվանդությունների դեմ:
Բրիտանացի գիտնականները եկել են այն եզրահանգման, որ այն տղամարդիկ, ովքեր շարունակում են լիարքժեք սեռական կյանք վարել 50 տարեկանից հետո, շագանակագեղձի քաղցկեղով հիվանադանալու ավելի քիչ հավանականություն ունեն: Միևնույն ժամանակ նրանք նշել են, որ 20-30 տարեկան հասակում ամսվա մեջ 20 անգամից շատ սեքսով զբաղվելն ընդհակառակը՝ մեծացնում է այդ ռիսկերը:
Ամերիկացի գիտնականներն իրենց հերթին պարզել են, որ այն կանայք, ովքեր շաբաթական գոնե մեկ անգամ զբաղվում են սիրով, նրանց մոտ էստրոգենի մակարդակը երկու անգամ ավելի բարձր է լինում:
Բրիտանացի սրտաբան պրոֆեսոր Փիթեր Ուայսբերգը հայտարարել է, որ դատողություններն այն մասին, որ սեռական ակտի ժամանակ մեծանում է սրտային կաթվածի հավանականությունը, մոլորություն են:
Հոդվածի հեղինակը հիշեցնում է նաև, որ սեքսուալ մերձեցման ժամանակ արյան մեջ ավելանում է սերոտոնին հորմոնի քանակությունը, որը բարձրացնում է տրամադրությունը: Սեքսը նաև իմունիտետը բարձրացնելու հիանալի միջոց է:
