Սիրիական զինվորականները ինը մարդու են սպանել Դաարայի պաղեստինյան փախստականների ճամբարում

Սիրիացի զինվորները սպանել են ամենաքիչը ինը մարդու` ներխուժելով Դաարա քաղաքի պաղեստինյան փախստականների ճամբար:

Զոհերի մեջ ընդդիմության երեք գրոհայիններ են, ինչպես նաև մեկ հղի կին: Սիրիական բանակի հրամանատարությունը տասնյակ տանկեր է ուղարկել այդ ճամբար և հարևան բնակելի Ալ-Սաադ թաղամաս: Բացի այդ, ճամբարը և թաղամասը ենթարկվել են ծանր հրետանու ռմբակոծության:

Նշենք, որ այսօր ավելի վաղ հաղորդում էին, որ Սիրիայում 1,5 տարվա հակամարտության ընթացքում զոհվել է 31.021 մարդ: