Ջոնի Դեպը հանրությանը զարմացրել է կոմանչի հնդկացիների շքերթի ժամանակ` հայտնվելով հրամանատարի դերում: Փաստորեն կոմանչի ցեղերի ամենամյա 21-րդ շքերթում, որը տեղի է ունեցել Օկլոհոմա նահանգում, հանդիսատեսին սպասվում էր հաճելի անակնկալ: Որպես շքերթի ղեկավար նրանք տեսան անձամբ Ջոնի Դեպին:
Նրա մասնակցությունն այս միջոցառմանը մինչև վերջին վայրկյան գաղտնի էր պահվում, որպեսզի խուսափեին հանդիսատեսի լայն զանգվածներից, ովքեր գալիս էին դիտելու միայն հայտնի դերասանին, հաղորդում է Popcornnews-ը:
Հիշեցնենք, որ Ջոնի Դեպը անվանվել էր կոմանչի ցեղերի պատվավոր անդամ: Այդ պատվին նա արժանացել էր «Միայնակ ռենջերը» ֆիլմի նկարահանումներին մասնակցելու համար, որի նկարահանման աշխատանքները շարունակվում են առ այսօր:
