Կալիֆոռնիայի համալսարանի անցկացրած հետազոտությունը ցրել է այն տարածված առասպելը, թե ավելորդ քաշի առաջացման պատճառը սննդում ավել կալորիաներն են: Պարզվել է, որ դա այդքան էլ այդպես չէ: Նշանակությւն ունի ոչ թե կալորիաների քանակությունը, այլ դրանց աղբյուրը, հաղորդում է Kedem-ը:
Միևնույն կալիորիականությամբ սպիտակուցներն ու ճարպերը տարբեր կերպ են ազդում օրգանիզմի վրա: Սպիտակուցային սնունդը պահանջում է 10-20 անգամ ավելի շատ էներգիա մարսվելու համար, քան շաքարն ու կենդանական ճարպերը:
Ստացվում է, որ «վտանգավոր» կալորիաները քաղցր ու ճարպոտ սնունդն են, իսկ «ամենավտանգավոր «կալորիաները մարդը ստանում է վերամշակված փափուկ սննդից՝ երշիկ, քաղցրավենիք:
Պետք չէ վախենալ սպիտակուցային սննդից ու ածխաջրածիններից (մրգեր, հացահատիկեղեն, քանի որ այդ սնունդը մարսելու համար օրգանիզմը շատ էներգիա է ծախսում:
