Անցյալ շաբաթ Եգիպտոսի ֆինանսների նախարարին հաշվետվություն է ներկայացվել, որում երկրի նախագահ Մուհամմադ Մուրսին մեղադրվում է ծառայողական դիրքը չարաշահելու և «Մուսուլման եղբայրների» անդամներին անօրինական ֆինանսական արտոնություններ տրամադրելու մեջ:
Ինչպես հաղորդում է իսրայելական Zman.com գործակալությունը, կոռուպցիայի դեմ պայքարի անկախ ասոցիացիայի հիմնադիր Սայիդ Մուհամմադ Աբդալլահը հանրապետության դատախազին հաշվետվություն է ներկայացրել, որում նախագահ Մուրսիին մեղադրում է նախընտրական քարոզարշավի ժամանակ ծախսված գումարները վերադարձնելու նպատակով ֆոնդերի մոբիլիզացման մեջ:
Մասնավորապես, Աբդալլահը նախագահին մեղադրում է այն բանում, որ նախընտրական քարոզարշավի ժամանակ նա այդպես էլ չբացահայտեց իր եկամուտի աղբյուրը: «Մուսուլման եղբայրների» քաղաքական թևը՝ «Ազատություն և արդարություն» կուսակցությունը, օրենքով իրավունքն չուներ միջոցներ հավաքելու Մուրսիի ընտրարշավի համար:
