Ստրասբուրգում բացվում է Եվրոպայի խորհրդի Խորհրդարանական վեհաժողովի (ԵԽԽՎ) աշնանային նստաշրջանը:
Ինչպես հաղորդում է Rosbalt գործակալությունը, ակնկալվում է, որ իր իր աշխատանքների երկրորդ օրը ԵԽԽՎ-ն բանաձև կընդունի, որը վերաբերում է Ռուսաստանի կողմից Եվրախորհրդի առաջ իր պարտականությունների կատարմանը, որոնք Ռուսատսանը ստանձնել է 1996 թ. խորհրդին անդամակացելիս:
Սեպտեմբերի 4-ին Փարիզում միաձայն հավանության արժանացած բանաձևի նախագծում մասնավորապես խիստ քննադատության են ենթարկվում գարնանային նստաշրջանի վերջում Ռուսաստանի Պետդումայի ընդունած մի շարք օրենքներ: Խոսքը, մասնավորապես, 4 օրենքների մասին է. զրպարտության համար քրեական պատասխանատվություն, համացանցի մասին օրենք, հավաքների մասին օրենքում փոփոխություններ, ՀԿ-ների մասին օրենք, որոնք, ինչպես ասվում է բանաձևի տեքստում, «ցույց են տալիս՝ որքան հակասական է իրավիճակը Ռուսաստանի Դաշնությունում, և ստիպում են կասկածել՝ որքանո՞վ են անկեղծ իշխանությունների մտադրությունները՝ երկիրը տանել ժողովրդավարության ուղով»:
Փաստաթուղթը նաև կոչ է անում վերանայել Pussy Riot պանկ խմբի անդամների դատավճիռը: