Իսրայելի տրանսպորտի նախկին նախարար Մեիր Շիթրիթին դատարանը տուգանել է արագության գերազանցման համար և երեք ամսով զրկել մեքենա վարելու իրավունքից:
Իսրայելի ճանապարհային ոստիկանությունը նախկին նախարարին կանգնեցրել է մայրուղու այն հատվածում, որտեղ թույլատրվում է 90 կմ/ժ արագություն, սակայն կառավարության նախկին անդամը մեքենան վարում էր 150 կմ/ժ արագությամբ, գրում է Российская Газета-ն:
Նախկին նախարարը սթափ վիճակում է եղել, սակայն վճիռը կայացնելիս դատարանը հաշվի է առել նրա նախկինում գործած մեղքը. մի քանի տարի առաջ Շիթրիթը խախտել էր մեքենայի կայանման կանոնները:
Իսրայելում օրինապահ մարմինները, այդ թվում` Ճանապարհային ոստիկանությունն ու դատարանը, խստորեն հետևում են օրենքներին` հաշվի չառնելով օրինախախտի անձը:
