Fitch միջազգային վարկանիշային գործակալությունը Չինաստանի 2012 թ. ՀՆԱ աճի կանխատեսումը նվազեցրել է 8 տոկոսից մինչև 7.8 տոկոսի, իսկ Հնդկաստանինը՝ 6.5 տոկոսից՝ 6 տոկոսի:
Ինչպես հաղորդում է Rosbalt գործակալությունը, Fitch-ի հաղորդագրության մեջ նշվում է, որ երկու երկրներն էլ ստիպված են դիմակայել համաշխարհային տնտեսության հեռանկարների վատթարացմանը, ընդ որում, նրանք պատրաստ չեն կամ հնարավորություն չունեն պատասխան միջոցներ ձեռնարկելու այն ծավալով, ինչ որ 2009 թ.:
Չինաստանի տնտեսության վերելքի տեմպերի վրա բացասաբար են ազդում արտահանման աճի նվազումը, ինչպես նաև 2009-2010 թթ. վարկային բումից հետո ինֆլյացիան զսպելու կառավարության ձեռնարկած միջոցառումները:
Fitch-ը նշում է, որ Հնդկաստանի տնտեսության համար կանխատեսումը բարդ է: Երկրի տնտեսության մեջ ներդրումների ծավալը 2012 թ. երկրորդ քառորդում ավելացել է ընդամենը 0.7 տոկոսով՝ համեմատած նախորդ տարվա նույն ժամանակահատվածի հետ: Հնդկաստանի կառավարության ներդրումային և տնտեսական քաղաքականության վերբերյալ շարունակվող մտավախություները հնարավոր է՝ ազդում են գործարար վստահության մակարդակի վրա:
