Այսօր՝ սեպտեմբերի 26-ին, ինքնասպանություն է տեղի ունեցել Կոտայքի մարզում: Ժամը 17:00-ի սահմաններում, Ոստիկանության Նաիրիի բաժնում ահազանգ է ստացվել, որ Առինջ գյուղի Մհեր Մկրտչյան 3-րդ փողոցի տներից մեկում կախվելու միջոցով ինքնասպան է եղել մի տղամարդ:
Ֆոտոլրագրող Գագիկ Շամշյանը shamshyan.com-ին հայտնել է,որ նշված տուն են մեկնել ոստիկանության Նաիրիի բաժնի օպերատիվ քննչական խումբը: Քննչական խումբը նշված տան ննջասենյակում հայտնաբերել է 46-ամյա Ա. Խ.-ի դին՝ կախված վիճակում:
Գագիկ Շամշյանը հայտնել է, որ ինքնասպան եղած տղամարդը ամուսնացած էր, ուներ երկու ուսանող աղջիկներ: Իսկ նրան հայտնաբերել է մայրը՝ կախված վիճակում, որն էլ հայտնել է իրավապահներին:
Փաստի առթիվ ոստիկանության քննչական գլխավոր վարչության Կոտայքի մարզի քննչական բաժնի Նաիրիի քննչական բաժանմունքում նյութեր են նախապատրաստվում: