Windows 8-ը կթողարկվի հոկտեմբերի վերջին մի շարք թերություններով, սակայն Microsoft-ը չի պատրաստվում հետաձգել դրա թողարկումը: Ընկերությունում որոշել են, որ առկա թերությունները հնարավոր է ամբողջությամբ շտկել ապրանքատեսակի՝ շուկա դուրս գալուց հետո:
Այս մասին, ինչպես հայտնել է Vesti.ru-ն, հղում կատարելով Bloomberg-ին, պատմել է Փոլ Օտելլինին՝ Microsoft-ի կարևորագույն գործընկերներից մեկի՝ Intel-ի գլխավոր տնօրենը:
Թայվանում ընկերության ներկայացուցիչների առջև ելույթի ժամանակ նա հայտարարել է, որ Microsoft-ի գործառնական նոր համակարգը դեռ շտկումների կարիք է զգում:
Intel կորպորացիան հայտարարել է, որ պաշտոնապես չի մեկնաբանելու իր ղեկավարի խոսքերը, քանի որ թայվանյան հանդիպումը փակ է եղել:
