Մի քանի հազար մարդ ուրբաթ օրը Սերբիայում մասնակցել է «Մուսուլմանների անմեղությունը» ֆիլմի դեմ ցույցերին, որտեղ, հավատացյալների կարծիքով, Մուհամմեդ մարգարեն ներկայացված է վատ քողի ներքո, հաղորդում է սերբական հեռուստատեսությունը:
Ակցիան, որը խաղաղ բնույթ ուներ, տեղի է ունեցել Նովի Պազար քաղաքում`Սերբիայի հարավային մասում, որտեղ մահմեդականները բնակչության զգալի մասն են կազմում:
Բողոքի ակցիան գլխավորում էին տեղի ֆուտբոլի ակումբի երկրպագուները: Ցուցարարների ամբոխի մեջ նկատելի է եղել Թուրքիայի, Բոսնիայի, ՆԱՏՕ-ի դրոշը, պաստառներ, որոնց վրա գրված են եղել «Մարգարեն իմ սրտում է» և «Ազատություն Պաղեստինին, Աֆղանստանին և Լիբիային»:
Միջոցառումը շարունակվել է մոտ մի ժամ և ավարտվել առանց միջադեպերի:
Սերբական իսլամական հասարակության գլխավոր մուֆթի Մուամեր Զուկորլիչը հաղորդել է, որ իր միավորումը չի մասնակցել բողոքի ակցիային, սակայն սատարում է ակցիայի անցկացմանը, քանի որ «մահմեդականներն իրավունք ունեն բողոքել վիրավորանքների դեմ»: Միաժամանակ նա նշել է, որ բողոքի ակցիաները պետք է խաղաղ բնույթ ունենան:
