Արդեն բոլորին է հայտնի, որ Հարթաշենի գյուղապետի դեմ երկրորդ գործն է հարուցվել` մանկապղծության համար: «Ավանգարդը» գրում է, որ կարծես այս մի գյուղապետը քիչ էր, հիմա էլ Տավուշի մարզում խոսակցություններ են շրջանառվում, որ Ազատամուտի գյուղապետ Ժորա Մարտիրոսյանը փորձել է բռնաբարել գյուղապետարանի արդեն նախկին աշխատակցուհի Արմինե Եգանյանին: Այս մասին Եգանյանը բողոքել է մարզպետարան, սակայն գյուղապետի որդիները, ովքեր մեղադրվում են ավազակային հարձակման մեջ` վախեցրել են նախկին աշխատակցուհուն…
Ասում են` կրկնվող պատահականություններն օրինաչափություն են: Ուրեմն թե´ այս, թե´ այլ դեպքեր վկայում են, որ մեր որոշ գյուղապետեր ոչ միայն տառապում են սեռական անբավարարվածությամբ, այլև իրենց պահում են այնպես, կարծես ոչ թե գյուղապետ, այլ տոհմական համայնքի (այն էլ` ոչ քրիստոնյա) ավագանի լինեն: Միայն նախնադարում էին տոհմերի առաջնորդներն անարգել բռնաբարում տոհմի աղջիկներին ու կանանց:
Գյուղապետերը սեռական անբավարարվածությո՞ւն ունեն
