Հայտնի ֆոտոմոդել Հայդի Քլումը ABC հեռուստաալիքի Քեթի Քուրիքի հայտնի թոք-շոուի ժամանակ խոստովանել է անձնական թիկնապահի հետ ունեցած իր սիրավեպի մասին: Թիկնապահն իր մոտ է շտապում արդեն 4 տարի: Նա հայտնել է, որ այդ հարաբերությունները սկսվել են միայն ամուսնուց՝ Kiss From A Rose խմբի հայտնի բրիտանացի սևամորթ երաժիշտ Սիլ Սեմյուելից պաշտոնապես ամուսնալուծվելուց հետո: Այս մասին հայտնում է The Mirror-ը:
Հաղորդման ժամանակ 39-ամյա սուպերմոդելը հերթական անգամ իր նախկին ամուսնուն մեղադրել է անհավատարմության մեջ, որն էլ ամուսնալուծության և հերթական սիրավեպի պատճառ է դարձել: Ապրիլին դատարան ներկայացված փաստաթղթերում որպես ամուսնալուծության պատճառ նրանք նշել էին «անհաղթահարելի տարաձայնությունները»:
Հիշեցնենք, որ 6 տարվա համատեղ կյանքից հետո զույգը ամուսնալուծության մասին հայտարարել էր այս տարվա հունվարին:
Քլումը աշխարհի ամենաբարձր վարձատրվող մոդելներից մեկն է: Միայն անցած տարի նա աշխատել է 18 մլն դոլար, իսկ Սեմյուելը իր 20-ամյա կարիերայի ընթացքում վաճառել է ավելի քան 20 մլն ալբոմ և 5 անգամ պարգևատրվել Grammy հեղինակավոր մրցանակով:
