29-ամյա Էդմեյրե Սելեշտինու դա Սիլվան ձերբակալվել է` Բրազիլիայի նախագահական պալատ ներխուժելու փորձի համար: Բոկոտն և հարբած երկրպագուն ցանկացել է հանդիպել պետության ղեկավար Դիլա Ռուսեֆին` նրան առաջարկելու իր սիրտը: Այս մասին հաղորդում է BBC-ն:
Սիլվային հանդարտեցնելու համար անվտանգության աշխատակիցները ստիպված են եղել ռետինե փամփուշտներով գետին կրակել, իսկ այնուհետև ձերբակալել:
Անվտանգության աշխատակիցների խոսքով` երիտասարդը ինքնամոռաց բացականչում էր նախագահի հադեպ իր խորին զգացմունքների մասին և ցույց է տվել Ռուսեֆի նկարը:
Սիլվային տեղափոխել են մոտակա հիվանդանոց, որտեղ նրան սպասվում է հոգեկան առողջության բժշկական հետազոտություն:
Ռուսեֆի նախագահության 21 ամիսներին սա նախագահական պալատ ներխուժելու 6-րդ փորձն է:
