ՀՀ նախագահի ներկայացրած` ԱՊՀ երկրների միջև «Ազատ առևտրի գոտու մասին» համաձայնագիրը կարևորագույն փաստաթուղթ է, որն էական ազդեցություն կունենա ՀՀ տնտեսության համար. համաձայնագրի շուրջ այսօր ԱԺ-ում ծավալված քննարկման ժամանակ ասաց Էկոնոմիկայի նախարար Տիգրան Դավթյանը:
«Համաձայնագրի հիմքում ընկած են ազատ առևտրի հիմնարար սկզբունքները, այն է` ստեղծել մի առևտրատնտեսական համակարգ, համաձայն որի` ԱՊՀ երկրները միմյանց հետ ազատ առևտուր են իրականացնելու առանց մաքսերի վճարման: Սա կարևորագույն որոշում է»,- նկատեց նախարարը:
Տիգրան Դավթյանի խոսքով` համաձայնագիրը լիովին համապատասխանում է Առևտրի համաշխարհային կազմակերպության կանոններին:
«Ընդհանուր առմամբ համաձայնագիրը համահունչ է ՀՀ տնտեսական քաղաքականությանը և նպատակաուղղված է մեր երկրի տնտեսության և արտադրության զարգացմանը, ինչպես նաև արտահանման խթանմանը: Համաձայնագիրը, մեր գնահատականներով, ուժի մեջ կմտնի այս ամսվա վերջին: Մենք կարևորում ենք Հայաստանի՝ օր առաջ այս համաձայնագրին միանալը, քանի որ այն հնարավորություն կընձեռի ազատ ելք ունենալ դեպի ԱՊՀ շուկա»,- նշեց նախարարը:
