Իտալիայի ղեկավարաությունը հայտարարել է, որ ռազմական օպերացիա է նախապատրաստում իր երկրի քաղաքացիներին Լիբիայից դուրս բերելու համար: Այս մասին հաղորդում է Interfax-ը: Գործողության նախապատրաստման մասին հայտարարել է Իտալիայի պաշտպանության նախարար Ինյասիո լա Ռուսան:
Իտալական իշխանությունները հայտնել են, որ Լիբիայում այս պահին կա Իտալիայի մոտ 1500 քաղաքացի, որոնք մշտապես բնակվում են այդ երկրում: Բացի այդ, այնտեղ են գտնվում նաև մի քանի հարյուր զբոսաշրջիկներ, գիտնականներ, այլ ընկերությունների ներկայացուցիչներ: «Մեզ զեկուցում են, որ Լիբիայի հարավ-արևելքում գտնվում են իտալացիներ, որոնց սննդի պաշարները վերջանում են: Մենք կփրկենք նրանց»,- հայտարարել է նախարարը: Նախարարը նաև ասել է, որ հիմա իրենք սպասում են արտաքին գործերի նախարարության թույլտվությանը:
