Հունգարիայի նախկին վարչապետ Ֆերենց Դյուրչանը, որը ղեկավարում է Հունգարիայի ընդդիմադիր սոցիալիստական կուսակցությունը, և նրա երեք կուսակիցները երկրի խորհրդարանի շենքի առջև վրան են ամրացրել և մեկշաբաթյա հացադուլ հայտարարել` ի նշան երկրի ընտրական համակարգի բարեփոխումների դեմ բողոքի: Այս մասին հաղորդում է RIA Novosti-ն:
Նախկին վարչապետը դեմ է խորհրդանի կողմից ընտրողների նախընտրական գրանցման գործընթացի կիրառման օրինագծի ընդունմանը, որը, նրա կարծիքով` կնվազեցնի ընտրողների մասնակցությունը:
Օրինագծին դեմ հանդես եկողները նույն կարծիքին են: Նրանք համարում են, որ այդ քայլն ուղղված է 2014-ին կայանալիք խորհրդարանական ընտրություններում ընտրողների մասնակցութունն արհեստական կերպով նվազեցնելուն, որպեսզի մեծանան վարչապետ Վիկտոր Օբանի իշխող «Ֆիդեքս» կուսակցության հաղթանակի շանսերը:
Հունգարիայի իշխանությունները հայտարարում են, որ նոր օրենքը կկատարելագործի ընտրական համակարգը:
Դյուրչանը երկրի վարչապետի պաշտոնը զբաղեցրել է 2004-2009 թվականներին:
