Ժնևում նոր կամուրջ է բացվել, որի շինարարությունն ամբողջությամբ ֆինանսավորել է հիմնադրամը, որը տնօրինում է Rolex ժամացույցների ընկերությունը:
Անսովոր, 85 մետրանոց կամուրջն անվանում են «թռչնաբույն»: Այն գցված է Արվա գետի վրա ու միացնում է Ժնևի երկու շրջանները ` Վեռնն ու Պլենպալը:
Կամուրջն անվանվել է Հանս Վիլսդորֆի` այն մարդու անունով, որի ոչ կոմերցիոն հիմնադրամը շարունակում է աշխատել հայտնի Rolex ապրանքանիշի ժամացույցների արտադրության վրա:
Հանս Վիլսդորֆի հիմնադրամը, որը Ժնևում հովանավորում է մի շարք բարեգործական նախագծեր, որոշում էր կայացրել գումար հատկացնել նոր կամուրջ կառուցելու համար նախկին ժամանակավոր, փոքրիկ կամարջի փոխարեն: Այս մասին հայտնում է The Local-ը:
Նոր կամրջի հեղինակները ժնևցի ճարտարապետներ Բրոդբեկն ու Ռոլետն են:
Կամրջի կառուցման համար ծախսվել է 1500 տոննա մետաղ ու նույնքան բետոն: Հիմնադրամը չի հրապարակել, թե որքան գումար է ծախսել դրա շինարարության վրա:
