Ինչպես տեղեկացնում է Обозреватель պարբերականը, անցած գիշեր ռուս ուղղափառ եկեղեցու պատրիարք Կիրիլի նստավայրում տեղի ունեցած հրդեհի հետևանքով ոչնչացվել է նրա ավտոպարկի միանգամից 6 թանկարժեք արտասահմանյան մեքենա, այդ թվում` BMW և Volvo:
Հրդեհը տարածվել է մոտ 150 քառակուսի մետր տարածության վրա, իսկ հրշեջներին հաջողվել է այն մարել միայն մեկ ժամ անց: Մարդկային զոհեր չկան:
Պարբերականը նշում է, որ վերջին շրջանում հաճախ են առաջանում ռուսական եկեղեցու առաջնորդների մեքենաների խնդիրներ: Վերջերս գողացվել էր Յարոսլավլի միտրոպոլիտ Կիրիլին պատկանող թանկարժեք Toyota-ն:
