ԱՄՆ-ում և Սկանդինավյան երկրներում սննդային հիվանդությունների հաճախականության՝ վերջերս անցկացված համեմատական վերլուծությունը ցույց տվեց, որ ԱՄՆ-ում սննդի մեջ ակտիվ օգտագործվում են գենետիկորեն ձևափոխված մթերքներ, իսկ սկանդինավյան ժողովուրդների սննդում դրանք համարյա բացակայում են: Եվ այս պարագայում տարբեր հիվանդությունների տարածվածությունը ԱՄՆ-ում 3-5 անգամ ավելի բարձր է: Ալերգաբանների տվյալներով, նախքան ԳՁՕ արշավանքը շուկա, Ռուսաստանում ալերգիկ հիվանդությունների մակարդակը 5-7 անգամ ավելի ցածր էր, քան ԱՄՆ-ում: Այժմ այդ ցուցանիշները հավասարվել են: Արդեն այժմ աշխարհի բժիշկները աղեստամոքսային համակարգի հիվանդացությունների ավելացումն ու նյութափոխանակման խանգարումներըը կապում են գենետիկորեն ձևափոխված մթերքների երևան գալու հետ: Ւսկ մինչ եվրոպական երկրները պայքարում են ԳՁՕ պարունակող մթերքների դեմ, որոնք նույնիսկ ճանաչել հնարավոր չէ, ԱՊՀ երկրների անվերահսկելի շուկաները դառնում են դրանց հիմնական սպառողները: «Քանի որ ԱՊՀ երկրներում իրականում գոյություն չունեն փորձաքննություն անցկացնելու ընդունակ սերտիֆիկացված թեստավորող լաբորատորիաներ, բնակիչներին մնում է հույսը դնել այն բանի վրա, որ տվյալ մթերքի տուփի վրա գրված կլինի ճիշտ բաղադրությունը»,- «Առաջին լրատվականի» հետ զրույցում նշեց ալերգոլոգ Անահիտ Սարգսյանը: Իսկ ինչ վերաբերում է արտադրողի ազնվությանը` մեր իրականության մեջ այն ավելի հաճախ բացակայում է, ուստի ավելի լավ է՝ հույսը ձեր վրա դնեք և սնվեք բացառապես այն սնունդով, որի բաղադրությանը իսկապես ծանոթ եք: