ԲՀԿ նախագահ Գագիկ Ծառուկյանի մամուլի խոսնակ Խաչիկ Գալստյանն այսօր հրավիրված մամուլի ասուլիսի ժամանակ վերստին հայտարարեց, որ իրենք կոալիցիոն համաձայնագիրը ստորագրել են՝ հաշվի առնելով երկրի առջև ծառացած խնդիրները:
Նա հայտարարեց, որ կոալիցիոն հայտարարության նախագիծը շրջանառության մեջ է դրվել ԲՀԿ համաձայնագրից հետո:
Հարցին, թե արդյոք պարտադրվա՞ծ էր այդ համաձայնագիրը, Գալստյանը պատասխանեց. «Ոչ, կրկին անգամ՝ ոչ: Պարտադրված համաձայնագրերը չեն կարող երկար կյանք ունենալ»:
«Առաջին լրատվականի» այն հարցին՝ կոալիցիոն համաձայնագիրը ստորագրելուց հետո ԲՀԿ-ի վարկանիշը աճե՞ց, թե՞ նվազեց, Խաչիկ Գալստյանը պատասխանեց, որ իրենց կուսակցության վարկանիշը չի տուժել, այլ գնալով աճում է, և այս հայտարարությունը պետք է դիտարկել ոչ թե ներկուսակցական, այլ պետության գլոբալ խնդիրների հարթության մեջ: