2011թ. հունվարի 1-ից մինչեւ 80 ձիաուժ ունեցող մեքենաները տարեկան վճարելու են 25 հազար դրամ, 81-140 ձիաուժ ունեցողները` 32 հազար դրամ, 141-230 ձիաուժ ունեցողները` 41 հազար դրամ, իսկ 231-ից բարձր ձիաուժ ունեցողները` 46 հազար դրամ: Ավելին, հունվարից ՀՀ ճանապարհային ոստիկանները կսկսեն տուգանել այն վարորդներին, որոնց ավտոմեքենաները ապահովագրված չեն լինի։ Իսկ տուգանքի չափը կկազմի 50 հազար դրամ։ Մեր այն հարցին, թե մեր վարորդներն արդյո՞ք վճարունակ են սահմանված պարտադիր ապահովագրական վճարների առումով, «Աքիլլես» վարորդների իրավունքների պաշտպանության կենտրոնի նախագահ Էդուարդ Հովհաննիսյանը նկատեց. «Այ, դա արդեն մի քիչ բարդ հարց է: Մենք էլ, ճիշտն ասած, ունենք հարցեր, որը որ կբարձրացվի ԿԲ խորհրդի նիստում: Համենայն դեպս, մեզ համար էլ պարզ չէ, թե եթե մեքենան հաշվառված է, բայց չի շահագործվելու, ինչո՞ւ նա պետք է վճարի: Այսինքն, եթե տվյալ մեքենան չի հանդիսանալու վտանգի աղբյուր, ինչի՞ է ապահովագրվում: Մենք այս կարծիքին ենք, տեսնենք, թե ինչպես կարձագանքի խորհրդի նիստը»:
