Ամերիկյան NASA տիեզերական գործակալության Ռեակտիվ շարժման լաբորատորիայում սպասման նյարդային մթնոլորտ է տիրում: Curiosity («Հետաքրքրասիրություն») մարսագնացի ստեղծողների խումբը շուտով պետք է հետևի Կարմիր մոլորակի վրա մարսագնացի վայրէջքին: Մասնագետների խումբը հետևում է, որ ամեն ինչ ընթանա ավանդույթների համաձայն:
Հնագույն և հիմական ավանդույթը գետնանուշով լցված պլաստիկ փորձանոթի բացումն է: Փորձանոթի վրա նշված է մարսագնացի վայրէջքի ժամկետը: Ապարատի վայրէջքից քիչ առաջ փորձանոթը բացվում է , գետնանուշը բաժանվում ապարատը ստեղծող թիմի անդամների միջև:
Վայրէջքից առաջ 7 րոպեները սպասման ամենասարսափելի պահն են: Գիտնականները ենթադրում են, որ գետնանուշն օգնում է հաղթահարել բոլոր խոչընդոտները:
7 րոպեների ընթացքում բորտային համակարգիչները պետք է միացնեն արգելակող շարժիչը, որն արագությունը կնվազեցնի մինչև 3,6 կմ/ժամի:20 մետր բարձրության վրա տեղի կունենա ապարատից վայրէջքային պլատֆորմի առանձնացում: Այն Կարմիր մոլորակի մակերևույթին վայրէջք կկատարի «Երկնային վերամբարձ կռունկ» համակարգի օգնությամբ: Երկու րոպե անց «Mobility» պլատֆորմին կմիանա մարսագնացը և ազդանշան կուղարկի Երկիր:
Ի դեպ, գիտնականները գետնանուշային ավանդույթից բացի, այլ ավանդույթներ էլ ունեն: Հոկեիստների նման, նրանք մեկ ամիս չեն սափրվում՝ հավատալով, որ դա կօգնի գիտական առաքելության իրականացմանը: Նրանք նաև իրենց ձեռքում են պահում մետաղադրամները, որոնք հաջող թռիչք իրականացրած տիեզերական ապարատները բերել են տիեզերքից:
