Սիրիայի ընդդիմությունը թույլ չի տա, որպեսզի էթնիկական խմբերն ընդարձակվեն երկրում: Ինչպես հաղորդում է թուրքական Anadolu գործակալությունը, այսպիսի հայտարարություն է արել կառավարական զորքերի նախկին գնդապետ ընդդիմության կողմն անցած Աբդուլռազզակ Ալ-Լազը:
«Սիրիայի ընդդիմությունը ոչ մի դեպքում թույլ չի տա, որ երկրի հյուսիսում քրդական պետություն ստեղծվի»,- ընդգծել է նա:
Հունիսի 27-ին լուրեր տարածվեցին, որ Քրդստանի աշխատավորական կուսակցության զինված ջոկատներն իրենց վերահսկողության տակ են վերցրել Սիրիայի հյուսիսային տարածքները, որից հետո թուրքական բանակը մարտական պատրաաստականության բերվեց, Սիրիայի հետ սահմանի վրա տեղակայվեցին լրացուցիչ զորքեր և ռազմական տեխնիկա:
