Հայաստանի և Չինաստանի արտգործնախարարների լրագրողների հետ հանդիպման ժամանակ Չինաստանի արտաքին գործերի նախարար Յան Ձիեչինը նշեց, որ երկու երկրների միջև հարաբերությունները մանավանդ վերջին տարիներին առաջխաղացում են ապրում:
Նա նշեց, որ պայմանավորվածություն է ձեռք բերվել հետագայում էլ շարունակել համագործակցությունը և էլ ավելի զարգացնել գիտատեխնիկական, կրթության, մշակույթի և զբոսաշրջության ոլորտներում:
Անդրադառնալով տարածաշրջանային հակամարտություններին` Չինաստանի արտգործնախարարը նշեց, որ իրենք հույս ունեն, որ առկա խնդիրները կկարգավորվեն կողմերի միջև խաղաղ երկխոսության արդյունքում: Ձիեչինի գնահատմամբ, այդ արդյունքին հասնելու համար կողմերին անհրաժեշտ է քաղաքական իմաստնություն և համբերություն, ինչն էլ տարածաշրջանի զարգացման և խաղաղության գրավականը կհանդիսանա:
