Իսպանացի դերասանուհին Պազ Վեգան «Գրեյսը Մոնակոյից» ֆիլմում կմարմնավորի օպերային երգչուհի Մարիա Կալասին: Այս մասին հաղորդում է Heat Vision-ը:
Ֆիլմը հոլիվուդյան աստղ Գրեյս Քելիի մասին է, որը մեծ ժողովրդականություն է վայելել 1950-ականների սկզբին: 1956 թվականին դերասանուհին ամուսնացել է Մոնակոյի իշխան Ռենիե III-ի հետ:
«Գրեյսը Մոնակոյից» ֆիլմը 1962 թվականի վեց ամիսների մասին է: Այդ ընթացքում Մոնակոյի և Ֆրանսիայի միջև հակամարտություն է ծագել: Քելին մասնակցել է խնդրի կարգավորմանը: Հենց այդ ժամանակ էլ նա ծանոթացել է Մարիա Կալասի հետ:
Ֆիլմում գլխավոր դերը վստահվել է Նիկոլ Քիդմանին: Ֆիլմի ռեժիսորն է ֆրանսիացի Օլիվիե Դաանը: Ոչ պաշտոնական տեղեկություններով՝ ֆիլմը վարձույթ դուրս կգա 2014 թվականին:
Պազ Վեգան նկարահանվել է Պեդրո Ալմոդովարի «Լյուսիան և սեքսը», «Հուլիո Մեդեման» և «Խոսիր նրա հետ» ֆիլմերում: Նա հնչյունավորել է նաև «Մադագասկար 3» ֆիլմի կերպարներից մեկին:
Ներկայում նա նկարահանվում է Պեդրո Ալմոդովարի «Նորաթուխ սիրեկանները» ֆիլմում, որը էկրան կբարձրանա 2013-ի մարտին: Ֆիլմում նկարահանվում են նաև Պենելոպե Քրուզը և Անտոնիո Բանդերասը:
