Ռուսական Regnum լրատվական գործակալության փոխանցմամբ՝ Մյանմարի մուսուլմանների ներկայացուցիչ Մուհամեդ Յունուսն օգնության խնդրանքով դիմել է Թուրքիային՝ վերջինիս և ողջ աշխարհին կոչ անելով միջամտել Մյանմարում մուսուլմանների կոտորածներին:
Մուհամեդ Յունուսի ու Թուրքիայի արտգործնախարար Ահմեդ Դավութօղլուի միջև բանակցությունների ժամանակ քննարկվել է Մյանմարիʽ մուսուլմաններին օգնելու հարցը: Յունուսը Դավութօղլուին հայտնել է, որ այս տարվա հունիսի 3-ից սկսած՝ Մյանմարի մուսուլմանները շարունակ բռնությունների են ենթարկվում:
Յունուսն ընդգծել է, որ Մյանմարում սպանվել է 50,000 մուսուլման, իսկ 50,000 մարդ էլ համարվում է անհետ կորած: Դավութօղլուն իր հերթին հայտարարել է, որ Թուրքիան ջանքեր է գործադրում Մյանմարի մուսուլմաններին մոտ ժամանակներս հումանիտար օգնություն ցուցաբերելու համար:
